Aisa tou ho

 اک سفر ایسا تو ہو 

اعتبار ساجد

راستوں میں کوئی رستہ معتبر ایسا تو ہو

منزلیں نازاں ہوں جس پر اِک سفر ایسا تو ہو

Rastoon main koi rasta moatbar aisa tou ho

Manzilain nazaan hon jis per ik safar aisa tou ho

شام ڈھلتے ہی ہمیں زنجیر پہنانے لگے

محفلوں میں بھی ہمیں یاد آئے گھر ایسا تو ہو

Sham dhalty hi humain zanjir pehnany lagay

Mehfiloon main bhi humain yad aye ghar aisa tou ho

جس کے دامن میں اُلٹ دیں اپنے دل کی کرچیاں

اِس ہجومِ شہر میں اِک چارہ گر ایسا تو ہو

Jis ke daman main ulat dain apny dil ki kirchiaan

Is hajoom e shehar main ik chara gar aisa tou ho

پھر کہیں مل جائیں ہم ترکِ تعلق کے لیے

ہجر جان لیوا سہی ، بارِ دگر ایسا تو ہو

Phir kahin mil jain hum tark e taluq ke liye

Hijar jan lewa sahi har dagar aisa tou ho

کس لیے ہم زحمتِ آرائشِ خانہ کریں

حالِ دل جیسا ہے، رنگِ بام و در ایسا تو ہو

Kis liye hum zehmat e aaraish e khana krain

Haal e dil jaisa hai, rung e baam o dar aisa tou ho

بے نوا گلیوں میں ہم کیا دستکیں دیتے پھریں

کوئی ساجدؔ، صاحبِ زنجیرِ در ایسا تو ہو ​

Be nawa galioon main hum kia dastakain daity phirain

Koi Sajid, sahib e zanjir dar aisa tou ho