Mousam phir se lout aye hain

 

موسم پھر سے لوٹ آئے ہیں

کتنی مدّت بعد تمہاری یاد آئی ہے

یوں لگتا ہے جیسے

 دل یہ رُک جائے گا

یوں لگتا ہے جیسے

 آنکھیں اپنے سارے آنسو رو کر

بالکل بنجر ہو جائیں گی

یوں لگتا ہے جیسے 

پچھلے موسم پھر سے لوٹ آئے ہیں

جاناں یہ دل خوش رہنے کے

طور طریقے بھول چکاہے

اس پر ایسے یاد کی دستک

یوں لگتا ہے جیسے دل پر

ایک قیامت گذر رہی ہو

کوئی طوفاں آن کھڑا ہو

جیسے ایک اکیلی ناؤ

بیچ بھنور کے آن پھنسی ہو

یوں لگتا ہے جیسے سپنے

ایک حقیقت بن بیٹھے ہوں

اتنی مدّت بعد تمہاری یاد آئی ہے

سوچ رہا ہوں کیا اس کی تعظیم کروں میں

پلکوں پر، 

اشکوں کے دیپ جلا لیتا ہوں

دل کے اُجڑے آنگن کو مہکا لیتا ہوں

دل کہتا ہے

 پھر خود کو تقسیم کروں میں

اتنی مدّت بعد تمہاری یاد آئی ہے

یوں لگتا ہے 

جیسے پچھلے موسم پھر سے لوٹ آئے ہوں

Kitni mudat baad tumhari yad ai hai

Yun lagta hai 

jaisy dil ye ruk jaye ga

Yun lagta hai jaisy 

Aankhain apnay sare ansoo ro kar

Bilkul banjar ho jain gi

Yun lagta hai jaisy

Pichlay mousam phir ae lout aaye hain

Janan ye dil khush rehne ke

Tor tareeqy bhool chuka hai

Is par aisy yad ki dastak

Yun lagta hai jaisy dil par

Aik qayyamat guzar rahi ho

Koi toufan aan khara ho

Jaisy aik akaili nao

Beech bhanwar ke aan phansi ho

Yun lagta hai jaisy sapnay

Aik haqeeqat ban baithy hon

Itni mudat baad tumhari yad ai hai

Soch raha hoon kia is ki tazeem karoon main

Palkoon par 

Ashkoon ke deep jala laita hoon 

Dil ke ujray angan ko mehka laita hoon

Dil kehta hai

Phir khud ko taqseem karoon main

Itni mudat baad tumhari yad aai hai

Yun lagta hai

Pichlay mousam phir se lout aye hoon