Tou log samjhay

تو لوگ سمجھے

 جو ہم پہ گزرے تھے رنج سارے

جو خود پہ گزرے تو لوگ سمجھے

جب اپنی اپنی محبتوں کے 

عذاب جھیلے تو لوگ سمجھے

Jo hum pe guzray thy ranj sare

Jo khud pe guzray tou log samjhy

Jab apni apni muhabtoon ke

Azab jhaily tou log samjhy

وہ جن درختوں کی چھاؤں میں سے 

مسافروں کو اُٹھا دیا تھا

اُنہیں درختوں پہ اگلے موسم 

جو پھل نہ اُترے تو لوگ سمجھے

Wo jin darkhtoon ki chaoon main se

Musafiroon ko utha dia tha

Unhi darkhtoon pe aglay mousam

Jo phal na utray tou log samjhy

اس ایک کچی سی عمر والی 

کے فلسفے کو کوئی نہ سمجھا

جب اس کے کمرے سے لاش نکلی

خطوط نکلے تو لوگ سمجھے

Is kachi se umar wali

Ke fasafay ko koi na samjha

Jab us ke kamray se lash nikli

Khatoot niklay tou log samjhy

وہ خواب تھے ہی چنبیلیوں سے

سو سب نے حاکم کی کر لی بیعت

پھر اک چنبیلی کی اوٹ میں سے 

جو سانپ نکلے تو لوگ سمجھے

Wo khawb thay hi chanbailioon se

Sou sab ne hakim ki kr li bait

Phir ik chanbaili ki aut main se

Jo sanp niklay tou log samjhy

وہ گاؤں کا ایک ضعیف دہقاں

سڑک کے بننے پہ کیوں خفا تھا

جب اُن کے بچے جو شہر جا کر 

کبھی نہ لَوٹے تو لوگ سمجھے

Wo gaoon ka aik zaeef dehqan

Sarak ke banany pe kyun tha khafa

Jab un ke bachy jo shehar ja kar

Kabhi na loutay tou log samjhay

"احمّد سلمان"