Hawa se jung main hoon

ہوا سے جنگ میں ہوں بے اماں ہو

 ہوا سے جنگ میں ہوں ، بے اماں ہوں

شکستہ کشتیوں پر بادباں ہوں

میں سُورج کی طرح ہوں دھوپ اوڑھے

اور اپنے آپ پر خود سائباں ہوں

مجھے بارش کی چاہت نے ڈبویا

میں پختہ شہر کا کچّا مکاں ہوں

خُود اپنی چال اُلٹی چلنا چاہوں

میں اپنے واسطے خود آسماں ہوں

دُعائیں دے رہی ہوں دشمنوں کو

اور اِک ہمدرد پر نامہرباں ہوں

پرندوں کو دُعا سِکھلا رہی ہوں

میں بستی چھوڑ ، جنگل کی اذاں ہوں

ابھی تصویر میری کیا بنے گی

ابھی تو کینوس پر اِک نشاں ہوں

پروین شاکر

Hawa se jung main hoon be amaan hoon 

Sikasta kashtioon pr badbaan hoon

Main sooraj ki trah hoon dhoop orhay

Aur apny  aap per khud saibaan hoon

Mujhay barish ki chahat ne dobooya

Main pukhta shehar ka kacha makaan hoon

Khud apni chaal ulti chalna chahoon

Main apny wastay khud aasmaan hoon

Duain de rahi hoon dushmanoon ko

Aur aik hamdard pr na mehrbaan hoon

Parindoon ko  dua sikhla rhi hoon

Main basti chor ,jungle ki azan hoon

Abhi tasveer meri kia bany gi 

Abhi tou canvas pr ik nishaan hoon